பெண் அடிமைத்தனமும் மூட நம்பிக்கையும்

மருத்துவம் பயிலும் மாணவியுமா

மாவிளக்கு போடுகிறாள் !

மதியிழந்து, மங்கலம் அமங்கலம்

என்னும் வார்த்தைகளை கூட

மதித்து நடக்கிறாள் !

வேலி போட்ட வேதத்துக்கு

வென்சாமர் வீசுவதும்,

வெள்ளை கமலத்துக்காரிக்கு

விரதங்கள் இருப்பதும்

வெற்றியை தந்திடுமென்றே

வெகு நாட்களாய் மரத்தை சுற்றும்

மங்கையரே !

ஆண்களும் நீங்களுமாய்

ஆரம்பித்து வைத்ததுதானே இந்த ஆட்டம் !

ஆதி பரமேஸ்வரியும்,

கன்னி மரியாளும் கடவுள்

என்பதாலோ கருவறைக்குள் ?

மாதமொருமுறை நீ மட்டும்

உன் வீட்டுச் சிறைக்குள் !

வேடிக்கையான வேஷம்தான்

இங்கே பெண் கடவுள்களுக்கெல்லாம்!

                    எஸ் .நிகிந்தன்